Minsan ‘di lang sa social or political issues tayo dapat aware from time to time kailangang iupdate natin ang mga sarili sa kung kanino nakadikit ang mga hot issues of the time.

Teka muna ka-Barrio ‘di mo kailangan ang dyaryo sa tabi mo para makasunod ka sa kwento ko.

Simpleng nakakatawang kwento lang ito sa pamosong manunulat na si Ricky Lee. Pauna ko lang po, hindi si G. Lee ang nakakatawa sa kwento ko kundi ang inyong lingkod.

Paumanhin dahil sa katagalan ng pangyayari hindi ko na maalala ang eksaktong pangalan ng okasyon at ang petsa kung kailan ito naganap. ‘Wala pong dapat ipag-alala orihinal na storya ko po ito.

May isang speaking engagement si G. Lee sa PUP noon at isa ako sa miyembro ng secretariat. May isang middle-aged guy clad in simple shirt and pants and rubber shoes ang lumapit at nagtanong kung nagsimula na ang programa. I plainly replied na hindi pa kasi wala pa ‘yung speaker. Sinuklian lang niya ako ng ngiti at tumalikod na.

Sa madaling salita nagsimula ang programa. Nabigla ako ng kaunti at natawa sa sarili ko ng iintroduce na ang speaker. Walang iba kundi ‘yung lalaki na nagtanong sa akin. Maaaring napahiya ako pero I came prepared for the autograph signing. Siyempre may dala akong libro na akda niya. Pagkatapos ng okasyon, lumapit ako kay G. Lee at patay-malisyang humingi ng kanyang pirma. Nangiti lang ang soft-spoken na mama nang abutin ang libro at kanya itong pirmahan.

Pitik-bulag sa Buwan ng Pebrero ang librong nilagyan ng dedication ni G. Lee. Sayang maski na ‘yung dedication hindi ko na rin maalala tsk tsk. Inspiradong-inspirado pa naman ako sa librong ‘yon. Sabi ko balang-araw makakagawa rin ako ng isang kagaya nun. Sa kasamaang palad, may kumuha o nanghiram ng nasabing aklat at hindi ko na nakita pa magmula noon.

May pagkakataon sana na muli ko siyang makakadaupang-palad. Plinano naming ng kumare ko na mag-attend ng scriptwriting class sa Quezon City kung saan siya ang magtuturo. Hindi rin natuloy ang inaanticipate naming event sa hindi malamang dahilan.

Sa susunod hindi ko na palalampasin ang pagkakataon na ma-meet ko ang idol ko.

Ang P-bBP ay isang libro ng screenplay na pinagbibidahan ng aktres na si Nora Aunor.

Viewed 12521 times by 2290 viewers

Uy! Ka barrio, kung first timer ka dito sa Barrio Siete o kaya naman ay napasaya ka ng aming mga writers, inaanyayahan ka naming mag subscribe sa RSS Feed namin! Pwede mong gamitin ang Google Reader para dito.

Powered by WP Greet Box WordPress Plugin

yami is happily married to husband Neru. They are blessed with two kids. Yami graduated with a degree of Journalism at the Polytechnic University of the Philippines (PUP). She worked as a reporter of People's Journal and People's Tonight, both publications of Philippine Journalists, Inc., for 15 years. She maintains Mom writes for a cause, a personal blog.